ဂဲန်ဂျစ်ခန် မသေမီမှာ သူ၏တတိယသား အောဂဒဲကို သူ့ရာထူးဆက်ခံပါစေလို့ တောင်းဆိုတယ်။ အဲဒါလဲ အင်မတန်မှန်တဲ့ ရွေးကောက်ချက်ဖြစ်တယ်။ အောဂဒဲဟာ သူ့ပုံစံနဲ့ သူစွမ်းတဲ့ ဗိုလ်ချုပ်ကြီးတစ်ဦးဖြစ်ပါတယ်။ သူခေါင်းဆောင်ပြီး မောင်ဂိုတပ်တွေဟာ တရုတ်မှာလဲ ဆက်တိုက်တယ်။ ရုရှအားလုံးကိုလည်း ချေမှုန်းတယ်။ ပြီးတော့ ဥရောပနိုင်ငံကိုလဲ ထိုးဝင်တယ်။ မောင်ဂိုတပ်တွေဟာ ၁၂၄၁ မှာ ပေါလစ်ဂျာမန်နဲ့ ဟန်ဂေရိယတပ်တွေကို လုံးဝချေမှုန်းပြီး ဗုဒဖက်စ်ကိုကျော်ပြီး ရောက်လာကြတယ်။ ဒါပေမယ့် အဲဒီနှစ်မှာပဲ အောဂဒဲသေဆုံးပြီး မောက်ဂိုတပ်တွေဟာ ဥရောပက ဆုတ်ခွာသွားတယ်။ နောင်ဘယ်တော့မှ ပြန်မလာတော့ပါ။
မောင်ဂိုအကြီးအကဲတွေဟာ အချိန်အကြာကြီး အောဂဒဲကို ဆက်ခံမယ့်သူကို ရွေးမရနိုင်အောင် ဖြစ်နေပါတယ်။ ပြီးမှ ဂဲန်ဂျစ်ခန်ရဲ့မြေးတွေဖြစ်တဲ့ မန်ဂုခန်နဲ့ ကုဗလိုင်ခန်ဆိုတဲ့ ခန်မင်းကြီးနှစ်ပါး လက်ထက်မှာ မောင်ဂိုတွေဟာ အာရှကို ဆက်လက်တိုက်ခိုက်ပြန်တယ်။ ၁၂၇၉ မှာ တရုတ်အားလုံးကို ကုဗလိုင်ခန်က သိမ်းယူပြီးတဲ့အခါ မောင်ဂိုတွေဟာ သမိုင်းမှာ အကျယ်ပြန့်ဆုံး ကြည်းလက်နက်နိုင်ငံကို အုပ်စိုးနိုင်သူတွေ ဖြစ်လာပါတယ်။ သူတို့ပိုင်နက်ထဲမှာ တရုတ် ၊ ရုရှနဲ့ ဗဟိုအာရှတွေလည်းပါတယ်။ ပါရှနဲ့ အရှေ့မြောက်အာရှ အားလုံးနီးပါးလည်း ပါတယ်။ သူတို့တပ်တွေက ပိုလန်က မြောက်အိန္ဒိယအထိ အောင်မြင်စွာ လုယက်တိုက်ခိုက်နိုင်တယ်။ ကိုရိယ တိဗက်နဲ့ အရှေ့တောင်အာရှ တချို့ဒေသတွေကလည်း ကုဗလိုင်ခန်ရဲ့ လက်အောက်ခံဖြစ်ခဲ့တယ်။ ဟိုအချိန်အခါက ရှေးခတ်ပုံစံ ခရီးလမ်း ဆက်သွယ်ရေးအတိုင်း ဒီလောက်ကျယ်တဲ့ လက်နက်နိုင်ငံကို ဘယ်နည်းနဲ့မှ အကြာကြီး သိမ်းမထားနိုင်ပါ။ အဲဒါနဲ့ မောင်ဂိုလက်နက်နိုင်ငံဟာ မကြာခင် အစိတ်စိတ်ကွဲရပါတယ်။ ဒါပေမယ့် မောင်ဂိုမင်းဆက် ထောင်နိုင်တဲ့ နိုင်ငံတွေမှာ မောင်ဂိုစိုးမိုးခြင်း အကြာကြီးဆက်လက် တည်တန့်တာကို တွေ့ရပါတယ်။ မောင်ဂိုတွေကို တရုတ်က ၁၃၆၈ မှာတိုက်ထုတ်နိုင်ခဲ့တယ်။ ရုရှမှာ သူတို့အုပ်ချုပ်ရက် ဒါ့ထက်ရှည်ပါတယ်။ ဂဲန်ဂျစ်ခန်ရဲ့မြေး ဗတုထူထောင်တဲ့ ရွှေတပ်ဖွဲ့ခေါ် ရုရှမောင်ဂိုနိုင်ငံဟာ တစ်ဆယ့်ခြောက်ရာစုနှစ်အထိ ဆက်လက်တည်ရှိပြီး ဂရိုင်မိယခန်နိုင်ငံဟာ ၁၇၈၃အထိ မပျက်မစီး ရှိနေခဲ့ပါတယ်။ ဂဲန်ဂျစ်ခန်ရဲ့ သားတွေမြေးတွေ ထူထောင်တဲ့ မင်းဆက်တွေဟာ ဗဟိုအာရှနဲ့ ပါရှမှာရှိတယ်။ အဲဒီနေရာတွေကို မောင်ဂိုသွေးပါတဲ့ တိမာရ်ခေါ် တမာလိန်းက တစ်ဆယ့်လေးရာစုနှစ်မှာ သိမ်းယူတယ်။ သူက ဂဲန်ဂျစ်ခန်အကျိုး မင်းဆက်ခံယူတယ်။ တမ်လိန်မင်းဆက်ဟာ နောက်ဆုံးတစ်ဆယ့်ငါးရာစုနှစ်ရောက်မှ အဆက်ပြတ်သွားတယ်။ ဒါတောင် မောင်ဂိုပိုင်ဆိုင်အုပ်စိုးမှုတွေ ကြွင်းကျန်နေသေးတယ်။ တမာလိန်ရဲ့ မြေးရဲ့မြေး ဗာဗာက အိန္ဒိယကို ၀င်တိုက်ပြီး မဂိုမင်းဆက်ကို ထူထောင်ခဲ့ပါတယ်။ မဂိုမင်းတွေဟာ အမှန်တကယ်ပဲ အိန္ဒိယအားလုံးနီးနီးကို သိမ်းယူပြီး တစ်ဆယ့်ရှစ်ရာစုနှစ်ဝက်အထိ အာဏာကို ဆုပ်ကိုင်ထားနိုင်ကြပါတယ်။
သမိုင်းတလျှောက်မှာ ကမ္ဘာကိုလွှမ်းမိုးနိုင်သူတွေဟာ အများကြီးအောင်မြင်ကြတာကို တွေ့ရပါတယ်။ အဲဒီလို ငါ့ထက်သာ လူမှာမရှိ ဆိုတဲ့ လူထဲမှာတော့ မဟာအဲလီဇန်ဒါ ၊ ဂဲန်ဂျစ်ခန် ၊ နပိုလီယန်ဗိုနာဗက်နဲ့ အဒေါ့ဖ်ဟစ်တလာတို့က အထင်ရှားဆုံးဖြစ်ပါတယ်။
0 comments:
Post a Comment